ئارمانجێن چارچۆڤەیێ ڤەکۆلینێ ل زانکۆیا دهۆک:

1. بهێزکرنا هەڤکارییێ د ناڤەرا کۆلیژ و پشک و سەنتەرێن ڤەکۆلینێ یێن سەربەخۆ دا بۆ چارەسەرکرنا ئاستەنگێن هەرێمى و جیهانى یێن ئالۆز.
2. پێشڤەبرن و جێبەجێکرنا ستراتیجییەتان بۆ دلنیابوونێ ژ هندێ کو کوالتی و کاریگەرییا ڤەکۆلینێ بگەهیتە ستاندەردێن نیڤدەولەتى.
3. مفاوەرگرتن ژ تەکنەلۆجییا پێشکەفتى و ئامرازێن دیجیتالى بۆ باشکرنا پرۆسێسێن ڤەکۆلینێ و بڕێڤەبرنا داتا و بەلاڤکرنا زانینێ.
4. ئەولەویەت ب ئەوان ڤەکۆلینان بهێتە دان ئەوێن بەشدارییێ د پاراستنا بەردەوامییا ژینگەهێ و دادپەروەرییا جڤاکى و گەشەکرنا ئابۆرى دا دکەن.
5. دابینکرنا ڕاهێانێ و فاند و کەرەستەیان بۆ هندێ داکو ئەندامێن دەستەیا وانەگوتن و قوتابی د بیاڤێ ڤەکۆلین و داهینانێ دا پێشبکەڤن.
6. دروستکرنا هەڤکارییان ل گەل کەرتێ پیشەسازى و حکومەت و دامەزراوەیێن نیڤدەولەتى بۆ بەرفرەهکرنا دەلیڤێن ڤەکۆلینێ و فاندان.
7. پێشڤەبرنا سیستەمەکێ ئێکگرتى بۆ تەرخانکرن و بکارهینانەکا کاریگەر یا ژێدەرێن دارایی و مرۆڤى و ژێرخانی ل هەمى سەنتەرێن ڤەکۆلینان.
8. ڕێخۆشکرن بۆ بەلاڤکرنا ئەنجامێن ڤەکۆلینان د گۆڤارێن باوەرپێکرى و کۆنفرانسێن زاستی دا، زێدەبارى هاندانا دەستپێشخەرییێن گەهشتنا ڤەکرى و بەشدارییا جڤاکى.
9. گونجاندن و ئاڕاستەکرنا چالاکییێن ڤەکۆلینێ ل گەل ئەولەوییاتیێن هەرێمى و نیشتیمانى بۆ پالپشتییا سیاسەتێن ل سەر بنەمایێ بەلگان هاتینە دانان.
10. هاندانا کارسازى(پێشەنککارى)- entrepreneurship و مافێن داهێنانێ- patents و ڤەگوهاستنا تەکنەلۆجیایێ ب مەبەستا وەرگێڕانا دەرئەنجامێن ڤەکۆلینان بۆ چارەسەرییێن کردارى کو مفا بۆ جڤاکى هەبیت.