ل ڕێککەفتى ٥-٧/٥/٢٠٢٦ ڕاگرییا سەنتەرێ ڤەکۆلینێن زانستى ل زانکۆیا دهۆک خۆلەکا سێ ڕۆژى ب ناڤونیشان(ڤەکۆلینا زانستى و ژیرییا دەستکرد)ئەنجامدا. دئەڤێ خۆلێ دا نێزیکی ١٧٥مامۆستا و ڤەکۆلەران ئامادە ببوون و ئارمانج ژ ڤەکرنا ئەڤێ خۆلێ ئەو بوو کو ڤەکۆلەر بشێن ژ کارهینانا ژێرییا دەستکرد مفاى د نڤیسینا ڤەکۆلینا زانستى دا ببینن . د ئەڤێ خۆلێ دا سێ مامۆستا ب پێشکێشکرنا سمیناران ڕابوون کو ل خوارێ دێ هویرکارییان ل سەر هەر ڕۆژەکێ و مامۆستایێن پێشکێشکەر و ناڤونیشانێن سمینارێن ئەوان هێنە دیارکرن:

１- ل ڕۆژا ئێکێ ل سێشەمبى ل ڕێککەفتى ٥-٥-٢٠٢٦ د.شهین عبداللە عبدالکریم, خۆلا خۆ یا ب ناڤێ(دەروازەیەک بۆ AI د ڤەکۆلینا زانستى دا) ب ڕێڤەبر و پێشکێشکر. د ئەڤێ پێشکێشکرنێ دا مامۆستایا ناڤبرى ب هویرى ل سەر هندێ ڕاوەستا کا ژیرییا دەستکرد چییە و چ مفایەک د جیهانا زانستى دا هەیە. دیسان ئاماژە ب هندێ دا کا کەنگى ژیرییا دەستکرد پەیدابوویە و چاوا گەشەکرییە و چاوا دێ ڤەکۆلەر شێت د ڤەکۆلینا زانستیدا مفاى ژێ وەربگریت و کەنگى دڤێت خۆ ژێ دویر بێخیت.

２- ل ڕۆژا دوویێ ل ڕێككەفتی ٦-٥-٢٠٢٦ د. کاروان جعفر عبدالرحمن، رۆژا خۆ یا خۆلێ ب ناڤێ(تولێن AIد ڤەکۆلینا زانستى دا) دەست پێ كر. د ئەڤێ ڕۆژێ دا ناڤبڕی بەحسێ هندێ کر کو گەلەک ئەپلیکێشن و تولێن ژیرییا دەستکرد هەنە و هندەک ژ ئەوان بێبەرانبەرن و هندەک ژى ب پارەنە و ئاماژە ب هندێ دا کو بۆ نڤیسینا ڤەکۆلینا زانستى گەلەک تولێن بێبەرانبەر هەنە وەکو کلود و جیمیناى و جات جی بی تى و کیمى...هتد.

３- ل ڕۆژا سێیێ ل ڕێککەفتى ٧-٥-٢٠٢٦ د.دێژین حسین عبدالعزیز ب ناڤونیشانێ(مفا وەرگرتن ژ AI د شرۆڤەکرنا داتایان دا د ڤەکۆلینا زانستى دا) خۆلا خۆ دەستپێکر. مامامۆستایا ناڤبڕى گەلەک ب هویرى ل سەر هندێ ڕاوەستیا کا چاوا ڤەکۆلەر دێ شێت داتایێن خۆ ب ڕێکا هەر تولەکا ژیرییا دەستکرد شرۆڤەبکەت و چاوا دێ شێت چارت و دایگرامان و ئامارێن ئەوان بکەت د ناڤ ڤەکۆلینێن خۆ یێن زانستى دا و بۆ ئەڤێ چەندێ چەند جاران پراکتیک ئەنجامدان و نموونەیێن جیاواز شرۆڤەکرن.