ل ڕۆژا پێنجشەمبى ل ڕێککەفتى ١٦ کانونا دووێ ٢٠٢٥ ڕاگرێ سەنتەرێ ڤەکۆلینێن زانستى(پ.د.شێرزاد سەبرى عەلى) دوو سمینار بۆ هەر ئێک ژ ڕێڤەبەرێن سەنتەرێن ڤەکۆلینان ل گەل کۆمەکا ڤەکۆلەران، پاشى بۆ جڤاتا زانکۆیێ پێشکێشکر. تێدا ڕاگرێ سەنتەرى هەیکەلەک بۆ ڕاگرییا سەنتەرێ ڤەکۆلینێن زانستى پێشکێشکر و بەحسێ پلان و کارێ سەنتەرى کر. پشتى دانوستاندنەکا درێژ ل گەل هەر دوو پشکدارێن کۆمبوونان. هەمى ل سەر هندێ ڕێککەفتن کو ڕاگرییا سەنتەرێ ڤەکۆلینان ژبلى ڕاگرى و هاریکارێ ڕاگرى کو ژ سێ پشکێن سەرەکى پێکبهێت. ئەوژى ئەڤێن ل خوارێنە:

١-پشکا ڤەکۆلینێن زانستێن مرۆڤایەتى و پەروەدەیی.

٢-پشکا ڤەکۆلینێن زانستێن پەتى و کارەکى.

٣-پشکا ڤەکۆلینێن زانستێن تەندروستى و ژیاندارى.

دیسان هاتە دیارکرن کو هەر پشکەک ژ ئەڤان پشکێن ل سەرى دێ سەرۆک پشکەک بۆ هێتە دانان و دێ سەرپەرشتییێ ل سەر بیاڤێ ئەوان ڤەکۆلینان کەت، ئەوێن دکەڤنە د بازنەیێ بسپۆرییا ئەوى دا، ئەڤە ژ لایەکێ ڤە و ژ لایەکێ دی ڤە جڤاتا ڕاگرییا سەنتەرێ ڤەکۆلینێن زانستى دێ سیاسەت و ڕاسپاردەیان پێشکێشکەت، بۆ ڕێکخستن و پێشئـێخستنا ئاستێ ڤەکۆلینێن زانستى د ناڤ زانکۆیا دهۆک دا.