بلندکرنا ئاستێ ئاگەهى و زانینێ ل دۆر گۆڤارێن ناڤدەولەتى
ل ڕۆژا دوشەمبى ل ڕێککەفتى ٢٤ شواتا ٢٠٢٥ ڕاگرییا سەنتەرێ ڤەکۆلینێن زانستى ڕابوو ب ئەنجامدانا چالاکییەکا زانستى ب ناڤێ (بلندکرنا ئاستێ ئاگەهى و زانینێ ل دۆر گۆڤارێن ناڤدەولەتى). ل دەستپێکێ ڕاگرێ سەنتەرێ ڤەکۆلینێن زانستى(پ.د.شێرزاد سەبرى عەلى) پەیڤا دەستپێکێ خواند و ب خێرهاتنا مامۆستا و ڤەکۆلەران کر و سوپاسییا هەر چار پێشکێشکەرێن سمیناران کر کو ب پێشکێشکرنا سمیناران ل دۆر گۆڤارێن زانستى ڕابووینە کو هەر ئێک ژ بەرێزان ژ ئالییەکێ ڤە دێ بەحسێ گۆڤارێن ناڤدەولەتى کر.
هەروەسا هەر ئێک ژ بەرێزێن ب ئەڤى ڕەنگى بەحسێ گۆڤارێن زانستى کر:
- پ.هـ.د.نشوان شوکت محمود، بەحسێ (شێوازێ بەلاڤکرنێ د گۆڤارێن ئاست بلند دا) کر و ناڤبڕى بەحسێ هندێ کر کا چاوا ڤەکۆلەر دێ ڤەکۆلینێن زانستى ل گۆڤارێن ناڤدەولەتى یێن جیهانى بەلاڤکەن و ئاماژە ب ڕێک و شێوازێن بەلاڤکرنێ دا کا چاوا دێ ڤەکۆلینان ل ئەوان گۆڤاران بەلاڤکەن و چاوا دێ ڕزامەندی ل سەر ڤەکۆلینێن مە هێتە کرن.
- د.شهین عبداللە عبدالکریم، بەحسێ(تێگەهشتنا سیستەمێن پێرستکرنا گۆڤارێن زانستى :ژ هۆکارێ کاریگەرییێ بۆ پۆلینکرنا چارێکان Q1-Q4) کر، ناڤبرییێ بەحسێ هندێ کر کو هەر ئێک ژ (Q1, Q2, Q3 -Q4) چییە د ناڤ گۆڤارێن سکوپەس و کلاریڤێد دا هەنە و بەحسێ کوالتییا هەر ئێک ژ ئەوان کر کو باشترێ ئەوان Q1 و ل دەمێ ڤەکۆلەر ل گۆڤارەکا ب ئەڤى ڕەنگی بەلاڤبکەت، دێ سوپاسی ژ ڕەخێ سەرۆکێ زانکۆیێڤە پێ هیتە دان.
- پ.هـ.د. شڤان احمد محمد، بەحسێ(زێدەکرنا دیتن و کاریگەرییا کارێ تە یێ بەلاڤکرى) کر. ناڤبرى د ئەڤێ سمینارێ دا بەحسێ هندێ کر، کا چاوا دێ ڕەواجێ بۆ ڤەکۆلینێن خۆ یێن بەلاڤکرى و ئاماژە ب هندێ دا کو کورتى و ئەنجامێن ڤەکۆلینێن خۆ یێن بەلاڤکرى ل جهێن جۆراوجۆر یێن سوشیال میدیا بەلاڤبکەی، داکو لایەنێن پەیوەندیدار مفایێ ژێ بینن.
- پ.ھ.د. برهان عبداللە زمان، بەحسێ (هێزا تۆڕێن هزرى: هەڤکارییا ناڤدەولەتى د بەلاڤکرنێ دا) کر. ناڤبڕى بەحسێ هندێ کر کا چاوا دێ هەڤکارییا ناڤدەولەتى د ناڤ ڤەکۆلینێن خۆدا ب دەستڤەهینى و بۆ ئەڤێ چەندێ ناڤبڕى جەخت ل هندێ کر کو چێکرنا گرۆپێن ڤەکۆلینێ ل گەل ڤەکۆلەرێن ژدەرڤە دێ بیتە ئەگەر ڤەکۆلین د گشتگیر بن و ژ لایەکێ دی ڤە کاریگەرییا ئەوان پتر بیت.
ل دوماهیکێ گوهدارێن سمیناران پرسیار ئاڕاستەى هەر چار بەرێزان کرن و بەرسڤا ئەوان هاتە دان.