ل ڕێككەفتی 27-1-2026 هەتا 29-1-2026 ڕاگرییا سەنتەرێ ڤەكۆلینێن زانستی یا زانكۆیا دهۆك ڕابوو ب ڤەكرنەكا خۆلا سێ ڕۆژی بۆ بیاڤێن زانستێن مرۆڤایەتی و پەروەردەیی ل دۆر هونەر و پرنسیپێن نڤیسینا ڤەكۆلینا زانستی ژ پێخەمەت پتر خزمەتكرن و پالپشتیكرنا ڤەكۆلینا زانستی ل دەڤ ڤەكۆلەر و مامۆستا و قوتابییێن خواندنا بلند بۆ ئەڤێ چەندێ سێ مامۆستایێن خودان شیان ب پێشكێشكرن و برێڤەنرنا ئەڤێ خۆلێ ڕابوون. ئەڤا ل خوارێ كورتییەكە ل دۆر خۆلا ناڤبڕی:

1-ل ڕۆژا ئێكێ ل سێشەمبی ل ڕێككەفتی 27-1-2026 پ.ھ.د.شڤان أحمد محمد ڕابوو ب پیشكێشكرنا سمینارا خۆ ل دۆر "مەنهەجییەتا ڤەكۆلینێ د زانستێن مرۆڤایەتی دا: ژ ئاڤاكرنا ئاریشەیێ هەتا شرۆڤەكرنا ئەنجامان" ناڤبری ب تیروتەسەلی ل دۆر هندێ ئاخفت كا چاوا دێ بابەتی هەلبژێری و ڕێك و شێوازێن ئەوێ چنە هەتا گەهشتییە ب دەستڤەهینانا ئەنجامان بۆ ئەڤێ چەندێ نموونەیێن هەمەجۆر و پراكتیكی هینان و پێنگاڤ ب پێنگاڤ بابەت شرۆڤەكر ئەڤە ژ لایەكی ڤە و ژ لایەكێ دی ڤە ل سەر مەنهەجییەتا ڤەكۆلینێ ڕاوەستا كا پێدڤییە چ خال و مەرج تێدا هەبن، هەتاكو ژ لایێ مەنهەجیەتێ ڤە یا دروست بیت. زێدەباری هندێ دكتۆرێ ناڤبڕی بەحسێ شێوازێ ئاماری كر كا چاوا ڤەكۆلەر دێ ئامارێ د ڤەكۆلینا خۆ دا بكالر هینیت. پشتی سمینار ب دوماهیك هاتی دەرگەهێ دانوستاندنێ هاتە ڤەكرن.

2-ل ڕۆژا دووێ ل چارشەمبی ل ڕێككەفتی 28-1-2026 پ.ھ.د.گرین مصطفى خالد دەست ب خۆلێ كر و بابەتەك پێشكێش كر ب ناڤێ" دیزاینا ڤەكۆلینا زانستی د زانستێن مرۆڤایەتی دا: ڕێباز، ئالاڤ و پراكتیكێن زانستی" ل ڤێڕێ مامۆستایا ناڤبڕی ب درێژی ل سەر هندێ ڕاوەستا كا چاوا دی ڤەكۆلینا زانستی هێتە دیزاینكرن و ڕێخستن و بۆ ئەڤێ چەندێ ل سەر هندێ ڕاوەستا كا د زانستێن مرۆڤایەتی دا چەند ڕیبازێن ڤەكۆلینێ هەنە و هەمی شرۆڤەكرن. پاشی ب هویری بەحسێ پوختەی و پێشەكی و ناڤەرۆك و ئەنجامان كر و نموونەیێن پراكتیكی بۆ هەمی ئالییان هینان و ب درێژی و ب نموونەیێن جۆراوجۆر بابەت ب دوماهیك هینا. پشتی سمینار ب دوماهیك هاتی دەرگەهێ دانوستاندنێ هاتە ڤەكرن و سمینار ب دوماهیك هات.

3-ل ڕۆژا سێیێ ل پێنجشەمی ل ڕیككەفتی 29-10-2026 پ.ھ. جوان عبدالخالق محمد دەست پێ كر و ناڤونیشانێ بابەتێ ئەوێ" AI و نڤیسینا ڤەكۆلینێن زانستی: ڕێكێن مفاوەرگرتن و ژێ دویركەفتنێ" مامۆستایا ناڤبری بەحسێ سەردەمێ AI كر ب گشتی پاشی هاتە د ناڤ بیاڤێ ڤەكۆلینا زانستی دا و ئاماژە ب ئەوێ چەندێ دا كا چاوا دێ شێی مفای ژ AI وەربگری، چونكی وەسا دیار كر كو ئەگەر تە شارەزای د ئەڤی بیاڤی دا نەبیت، دێ ڤەكۆلین كەڤیتە د ناڤ خانەیا پلەیجیریزمێ دا، ئانكو مامۆستایێ ئەو چەند دیار كر كو ل هندەك ئالییان دڤێت ڤەكۆلەر ژ AI دویر بكەڤیت و ل هندەك حالەتێن دیار كری، ڤەكۆلەر دشێت وەك هاریكاری مفای ژێ بینیت. پشتی بابەت ب دوماهیك هاتی دەرگەهێ دانوستاندنێ هاتە ڤەكرن، گەلەك پرسیار و بەرسڤ هاتنە پێشكێشكرن.