ل ڕێککەفتى ١١-١٢/٢/٢٠٢٦ ڕاگرییا سەنتەرێ ڤەکۆلینێن زانستى ل زانکۆیا دهۆک خۆلەکا دوو ڕۆژى بۆ بیاڤێن زانستێن پەتى و کارەکى ئەنجامدا. ئەڤ خۆلە ب ناڤونیشان(ژ هزرا ڤەکۆلینێ هەتا بەلاڤکرنێ: گەردەلوولا مێشکى, پێکهینانا تیمى و کارتێکرنا زانستى)بوو. دئەڤێ خۆلێ دا نێزیکی ٥٠ مامۆستا و ڤەکۆلەران ئامادە ببوون و ئارمانج ژ ڤەکرنا ئەڤێ خۆلێ ئەو بوو پتر خزمەتا ڤەکۆلەران ل دۆر میتدۆلۆجییا سەردەم و چاواییا دروستکرنا هزرێ هەتا قۆنا بەلاڤکرنا ڤەکۆلینێ. د ئەڤێ خۆلێ دا دوو مامۆستا ب پێشکێشکرنا سمیناران ڕابوون کو ل خوارێ دێ هویرکارییان ل سەر هەر ڕۆژەکێ و مامۆستایێن پێشکێشکەر و ناڤونیشانێن سمینارێن ئەوان هێنە دیارکرن:

１- ل ڕۆژا ئێکێ ل چارشەمبى ل ڕێککەفتى ١١-٢-٢٠٢٦ پ.د.ڕەغد یوسف محەمەد, خۆلا خۆ یا ب ناڤێ(ژ هزرا ڤەکۆلینێ هەتا بەلاڤکرنێ) ب ڕێڤەبر و پێشکێشکر. د ئەڤێ پێشکێشکرنێ دا مامۆستایا ناڤبرى ب هویرى ل سەر هندێ ڕاوەستا کا چاوا هزرا ڤەکۆلینێ ل دەڤ ڤەکۆلەرى چێدبیت و چاوا دێ شێت ئەوێ هزرێ پەرە پێ دەت و هێدێ هێدى کەتە ناڤونیشان بۆ ڤەکۆلینێ و مامۆستايا ناڤبڕی ب هویری ل سەر پێنگاڤێن گەهشتنا ب دوماهیك هینانا ڤەكۆلینێ ڕاوەستیا و ب نموونەیێن پراكتیكی بابەت شرۆڤەكر ئەڤە ژ لایەكی ڤە و ژ لایەكێ دی ڤە بەحسێ چاواییا نڤیسینا پوختە و پێشەكی و وەرگرتنا پێزانین و ئەنجام و لیستا ژێدەران كر. پشتی د.ڕەغەد ب دویماهیك هاتی گەنگەشەكا ڤەكری هاتە ئەنجامدان و ب ئەڤێ چەندێ ب دویماهیك هات.

２- ل ڕۆژا دوویێ ل ڕێككەفتی 12-2-2026 پ.ه.غەزوان ئەحمەد محەمەدی، رۆژا خۆ یا خۆلێ ب ناڤێ(چاوا دێ شێی تیمێ گەردەلوولا مێشكی یا ڤەكۆلینێ دروست كەی) دەست پێ كر. د ئەڤێ ڕۆژێ دا ناڤبڕی بەحسێ هندێ كر كا گەردەلوولا مێشكی چییە و گۆت: ئەڤە ڕێكەكا ب كۆم یا داهێنەرانەيە بۆ پەيداكرنا پشكەكا مەزن يا هزران و چارەسەريان بۆ هەر كێشەيەكا هەبيت. د ئەڤێ رێكێ دا، مێشك دهێتە هاندان كو ب بێترس و ب بێسنۆر هەر تشتێ بۆ بهێت بێژيت. پاشی د.غەزوانی ئاماژە ب هندێ دا كا چاوا تیمێن ڤەكۆلینێن ب ڕێكا گەردلوولا هزری دروست بیت، ئەوژی ل دەمێ ل سەر بابەتەكێ دروینن و دیتنا پێشكێش دكەن و دانوستاندنێ دكەن و د ئەنجام دا دگەهنە بابەتی و د شیان دایە ببیتە بابەتەكێ ڤەكۆلینێ و تیمێن كاری دروست دبن و ل سەر ئەوی بابەتی كار دكەن.