د.شێرزاد سەبری ڕاگرێ سەنتەرێ ڤەکۆلینان ل زانکۆیا دهۆک ل دۆر ئەنجامدانا ئەڤێ چالاکییێ گوت” مەرەما سەرەکی یا ئەنجامدانا ئەڤێ چالاکییێ ئەوە سەنتەرێ مە ببیتە پرەک یا گرێدانا پەیوەندییێن زانکۆیێ ل گەل جڤاکی ب گشتی و فەرمانگەهـ و کەرتێ تایبەت و ڕێکخراوێن جڤاکی ب تایبەتی، ژبۆ چارەسەركرنا ئاریشەیێن جڤاكی و دیتنا ڕێکێن چارەسەرییێ ب ڕێکا ڤەکۆلینێن زانستی و ئەنجامدانا ڤەکۆلینێن کارەکى و تەجریبی د ئەڤی بیاڤیدا، هەروەسا ئاماژە ب هندێ دا كو دێ هەمی هەلان دەین ڕێكێ خۆشبكەین بۆ ڤەکۆلەران كو مفای ژ كار ئینانا ئامیر و لابۆرێن زانکۆیێ ببینن بۆ ئەنجامدانا ڤەكۆلینێن خۆ.
هەرەسا د ئەڤێ چالاکیێدا بەحس ل ئەوێ ئێکێ ژی هاتە کرن کو لیژنێن زانستی پتر ڤەکۆلینان فلتەر بکەن ژبۆ هندێ ناڤ ونیشانێن ڤەكۆلینان پتر خزمەتا جڤاکێ کوردی بکەن و هەمی پشکێن زانستی یێن زانکۆیێ ئاگەهداربکەن کو پتر ل سەر ئەوان بۆشایان رابوەستن ئەوێن د بیاڤێن زاستیدا هەین كو هەتا چ ئاست گرێدای جڤاکینە.
ژ لایەکێ دیڤە ڕاگرێ سەنتەرێ ڤەکۆلینان بەحس ل گرنگییا پۆلسییا ڤەکۆلینێ کر و دروستکرنا پەیوەندییان ل گەل سەنتەرێن ستراتیجی یێن حکومەتێ . هەوەسا ڤەكۆلین ل سەر بابەتێ زیندی و گرنگ و یێن سەردەمی بهێنە ئەنجامدان. وەكو مادێن بێهۆشکەر یان دیاردا خۆ کۆشتنێ و گوهۆڕینا كەشو هەوایی.....
تەوەرەکێ دی یێ ئەڤێ چالاکییێ پشکدار ل سەر ئەوێ چەندێ ئێک دەنگ بوون کو زانکۆ و سەنتەرێ ناڤبڕی پتر گرنگییێ بدەنە ورکشۆپ وسیمپۆزیۆم چالاکییێن زانستی بۆ هندێ داكو ڤەکۆلەر ب ڕێكا ڤەکۆلینێ خزمەتا جڤاکی بکەت، دیسان بەحسێ هندێ هاتەكرن كو پێدڤییە ڤەکۆلەر خۆ دویر بێخن ژ ڤەکۆلینێن دووبارەكری و ڤەکۆلەر ب ڕێکا سەنتەرێ ڤەکۆلینان هەولبدەن فاندێن بچویک و مەزن ب دەستڤەبهینن ئەڤەژی ڕێکەکە بۆ پێشئێخستنا ڤەکۆلینا زانستی، هەروەسا زانکۆ پتر داتا بەیسان پەیدا بکەت ژبۆ ئاسانکرنا کارێ ڤەكۆلەران. دیسان خۆلێن نڤێسینا ڤەكۆلینان ب شێوەكێ ئەكادیمی و پێشكەڤتی بۆ ڤەكۆلەرێن گەنج و نوی بهێنە ڤەكرن.

ل دوماهییێ د ناڤ دیارێدا ئاماژە ب هندێ هاتە دان كو ” پێدڤییە زانکۆ ڕۆژەکێ دیار کەت ب ناڤێ ڕۆژا ڤەکۆلینا زانستی Research day ل زانکۆیا دهۆک و د ئەڤێ ڕۆژێدا ئامارا ڤەکۆلینێن سالێ بهێنە دیاركرن و باشترین ڤەکۆلەر بهێنە خەلاتکرن.