د چارچۆڤێ چالاکییێن ڕاگرییا سەنتەرێ ڤەکۆلینێن زانستى، ڕاگرییا مە خۆلەکا سێ ڕۆژى ل ڕؤژێن (١٥-١٧-٢١/١٢/٢٠٢٥) ل دۆر میتۆدلۆجییا پێشکەفتى بۆ ڤەکۆلەر و مامۆستا و بسپۆرێن بیاڤێ تەندروستى و ژیاندارى ڤەکر کو تێدا زێدەتر ژ ٣٠ ڤەکۆلەران پشکدارى تێدا کر و خۆل بۆ ماوێ سێ ڕۆژان بەردەوام بوو. د ئەڤێ خۆلێ دا سێ مامۆستایێن خودان شیان سمینار بۆ پشکداران پێشکێشکرن کو هەر ئێک ژ ئەوان ژ کۆژییەکێ ڤە بەحسێ میتدۆلۆجییا بیاڤێ پزیشکى و تەندروستى کر. بۆ زانین خۆل ب ناڤێ : (کۆرسەکێ کورت: ڕێبازا پراکتیکى بۆ میتدۆلۆجییا ڤەکۆلینا پزیشکى و خواندنا دیزاینکرنێ) و مامۆستایێن پێشکێشکەرێن خۆلێ و بابەتێن ئەوان ل خوارینە:

١-پ.ه.ئارى حەبیب: بابەتێ ئەوی ب ناڤێ :دەروازە و بنەمایێن ڤەکۆلینێ بوو : د ئەڤێ ناڤونیشانی دا ڕێزدار د.ئارى ب گشتى و هویرى بەحسێ چاواییا نڤێسینا ڤەکۆلینا پزیشکى کر و چاواییا دەستپێکرن و وەرگرتنا سامپلان کر و ڕێک و شێواز و بنەمایێن ڤەکۆلینێ دیارکرن ، سامپل و داتایێن خۆ ژى ژ بیاڤێ تەندروستى و پزیشکى ئینان و گەنگەشە و دانوستان هاتە کرن و ڤەکرن ل سەر ئەڤان خالان.

٢-د.ئازرى سالح: ڕێکێن کۆمکرنا داتا و وەرگرتنا میناکان: د ڤێرێ دا د.ئازرى ب وردى و ب هویرى ل سەر هندێ ڕاوەستا کا دێ چاوا داتایان کۆمکەى بۆ ئەنجامدانا ڤەکۆلینێ و ڕێکێن وەرگرتنا میناکان دیارکر کا چاوا دێ میناک و داتایێن خۆ ل سەر نەخۆشان وەرگرى، داکو ئەو ڤەکۆلین ببیتە ڤەکۆلینەکا ئەکادیمى و د هەمان دەم دا ببیتە جهێ مفاوەرگرتنی.

٣-پ.ھ.د.هەجمەت عبدولخالق: شرۆڤەکرن و پێشکێشکرنا ئەنجامان: د. هەجمەتى بەحسێ چاواییا پێشکێشکرن و شرۆڤەکرنا ئەنجامێن ڤەکۆلینێ کر، ژبەرکو ئەنجامێن ڤەکۆلینێ گرنگترین خالە د هەبوونا ڤەکۆلینێ دا کر. ناڤبڕى ئاماژە ب هندێ دا کو ئەگەر ئەنجام دزانستى و دروست بن، ل ئەو دەمى ڤەکۆلین یا ئەکادیمى و پێشکەڤتییە و ژ لایەکێ دی ڤە ناڤبڕى بەحسێ شێوازێ ئامارى کر چاوا دێ مفا ژێ هێتە وەرگرتن و چاوا د ناڤ ئەنجامان دا دێ ئاماژە پێ هێتە کرن.